ජනාධිපති අනුර කුමාර දිසානායක සහ ශ්‍රී ලංකාවේ රුසියානු සමූහාණ්ඩුවේ තානාපති ලෙවාන් එස්. ජගාරියන් අතර හමුවක් අද (01) ජනාධිපති කාර්යාලයේ දී පැවැත්වුණා.
මෙහිදී නව පාලනය වෙත සුබපැතුම් පිරිනැමූ ජගාරියන් රුසියානු ජනාධිපති ව්ලැඩිමීර් පුටින්ගේ පුද්ගලික පණිවිඩයක්ද ජනධිපතිවරයා වෙත ලබා දී තිබෙනවා.
දෙරට අතර ද්විපාර්ශ්වික සබඳතා වඩ වඩාත් ශක්තිමත් වනු ඇතැයි අපේක්ෂා කරන බව ද ජනාධිපති පුටින් විසින් සිය පණිවිඩයේ සඳහන් කර තිබුණු බවද සඳහන් වනවා.
ශ්‍රී ලංකාව සහ රුසියාව අතර දීර්ඝ කාලීන ද්විපාර්ශ්වික සබඳතා තවදුරටත් ශක්තිමත් කර ගැනීම පිළිබඳව මෙම සාකච්ඡාවේදී විශේෂ අවධානයක් යොමු වූ අතර, දෙපාර්ශවයේම අන්‍යෝන්‍ය වශයෙන් රාජ්‍ය තාන්ත්‍රික සබඳතා වැඩි දියුණු කරගැනීම සඳහා වන කැපවීම නැවතත් තහවුරු කරන අතරම වෙළඳාම, ආයෝජන, සංස්කෘතිය සහ අධ්‍යාපනය වැනි ප්‍රධාන ක්ෂේත්‍රවල සහයෝගීතාව වැඩි දියුණු කිරීමේ වැදගත්කම පිළිබඳවද මෙහිදී අවධාරණය කර තිබෙනවා.
Views Today : 145
Views Yesterday : 2259