පාර්ලිමේන්තු මැතිවරණයට අදාළව මේ වන විට පැමිණිලි 1642 ක් ලැබී ඇති බව මැතිවරණ කොමිෂන් සභාව පවසනවා.
එම කොමිෂන් සභාව නිවේදනයක් නිකුත් කරමින් සඳහන් කර සිටියේ, මෙම සමස්ත පැමිණිලි සංඛ්‍යාව තුළ ප්‍රචණ්ඩ ක්‍රියා 15 ක් ද නීති උල්ලංඝණය කිරීම් 1592 ක් සහ වෙනත් පැමිණිලි 35 ක් ඇතුළත් වනවා.
මේ අතර, ගත වූ පැය 24ක කාලය තුළ මැතිවරණ පැමිණිලි 107 ක් වාර්තා වී ඇති බව මැතිවරණ කොමිෂන් සභාව පවසයි.
එසේම, ලැබී ඇති පැමිණිලි විසඳීම් 1365 ක් සහ මේ වන විට පැමිණිලි විසදීම් ක්‍රියා කරමින් ඇති පැමිණිලි 277 ක් පවතින බව මැතිවරණ කොමිෂන් සභාව වැඩිදුරටත් කියා සිටියා.
