සංචාරක නවසීලන්ත කණ්ඩායම සහ ශ්‍රී ලංකාව අතර පැවැත්වෙන සීමිත පන්දුවාර ක්‍රිකට් තරගාවලි සඳහා ප්‍රවේශ පත්‍ර අලෙවිය මේ වනවිට ආරම්භ කර ඇති බව ශ්‍රී ලංකා ක්‍රිකට් ආයතනය පවසනවා.
ඒ අනුව, එම ආයතනයෙන් රංගිරි දඹුලු ක්‍රිකට් ක්‍රීඩාංගණයේ ස්ථාපිත කර ඇති ටිකට් කවුන්ටරයෙන් ද ප්‍රවේශ පත්‍ර ලබා ගත හැකි බව සඳහන්.
එමෙන්ම මාර්ගගත ක්‍රමය ඔස්සේ ද ටිකට් පත් ලබා ගත හැකි බවයි, ක්‍රිකට් ආයතනය නිවේදනය කළේ.
මාර්ගගත ක්‍රමය ඔස්සේ එක් හැඳුනුම්පත් අංකයකට ප්‍රවේශ පත්‍ර හයක් පමණක් ලබාගත හැකියි.
තරග නොපැවැත්වෙන දිනයන්හීදි ප්‍රවේශ පත්‍ර කවුළුව පෙරවරු 9.00 සිට පස්වරු 05.00 දක්වා විවෘත පවතින බව සඳහන්.
තරග පැවැත්වෙන දිනයන්හි පෙරවරු 9.00 සිට පස්වරු 08.00 දක්වා ප්‍රවේශ පත්‍ර මිලදී ගත හැකි බව ද ශ්‍රී ලංකා ක්‍රිකට් ආයතනය නිවේදනය කළා.
