2024 මහ මැතිවරණ සඳහා ඡන්දය ප්‍රකාශ කිරීමේ දී , පාට ගැන්වීම සඳහා මෙවර යොදා ගැනෙන්නේ වම් අතෙහි දබරැඟිල්ල බව මැතිවරණ කොමිෂන් සභාවේ අධ්‍යක්ෂ ජනරාල් සමන් රත්නායක පවසනවා.
අද (11) මාධ්‍ය වෙත අදහස් දක්වමින් ඔහු සඳහන් කළේ,
“පසුගිය ජනාධිපතිවරණයේ දී අපි වම් අතේ සුලැඟිල්ල වර්ණ ගන්වනු ලැබුවා. බොහෝ දෙනෙකුගේ ඒ සලකුණු කළ ආකාරය ඒ අයුරින්ම තිබෙනවා. ඒ නිසා මෙවර මැතිවරණ කොමිෂන් සභාව තීරණය කරලා තියෙනවා වම් අතේ දබරැඟිල්ල සලකුණු කිරීම සඳහා භාවිතා කරන්න.”
කෙසේ වෙතත්, නොවැම්බර් 14 වනදා මහ මැතිවරණය පැවැත්වීම සඳහා අවශ්‍ය මූලික කටයුතු සියල්ල අවසන් බව ද මැතිවරණ කොමිෂන් සභාව සඳහන් කළා.
එමෙන්ම මැතිවරණයට අදාළ ප්‍රචාරක කටයුතු අද (11) මධ්‍යම රාත්‍රියෙන් අවසන් වනවා.
