ගුවන් සමාගම් කිහිපයක් බාලි වෙත සහ එහි සිට ගුවන් ගමන් අවලංගු කර ඇති බව විදෙස් මාධ්‍ය වාර්තා කරනවා.
ඒ පසුගියදා විදාරණය වූ Lewotobi Laki-laki කන්දේ අළු නිසා පියාසර කිරීම අනාරක්ෂිත විය හැකි බව සඳහන් කරමින්.
මේ අනුව Qantas, Jetstar සහ Virgin Australia ගුවන් ගමන්වලට බාධා සිදුවීම පිළිබඳ මගීන්ව දැනුවත් කර තිබෙනවා.
සතියකට පෙර Lewotobi Laki-laki ගිනි කන්ද සක්‍රීය වූ අතර, පුද්ගලයන් 10 දෙනෙකුට මරු කැඳවූ අතර, ගිනිකන්ද කිලෝමීටර් 9 ක් (සැතපුම් 6.2 ක්) උසට අළු තීරුවක් අහසට විසි කර තිබෙනවා.
මෙම ගිනිකඳු අළු ඉන්දුනීසියාවේ උතුර ප්‍රදේශයේ සමහර ප්‍රදේශවලට ගසාගෙන යා හැකි බවටයි ඔස්ට්‍රේලියාවේ කාලගුණ විද්‍යා කාර්යාංශය ද අනතුරු අඟවා ඇත්තේ.
