ශ්‍රී ලංකාව සහ දකුණු අප්‍රිකාව අතර තරඟ දෙකකින් සමන්විත ටෙස්ට් තරගාවලියේ පළමු ටෙස්ට් තරගය අද ආරම්භ වනවා.
දෙරට අතර ටෙස්ට් තරඟාවලියක් පැවැත්වෙන්නේ වසර 3කට පසුව වන අතර එය ශ්‍රී ලංකා වේලාවෙන් පස්වරු 1ට ඩර්බන්හිදී ආරම්භ වීමට නියමිතයි.
වසර දෙකකට පසු, වමතින් දග පන්දු යවන ක්‍රීඩක ලසිත් ඇඹුල්දෙණිය මෙවර තරඟාවලියට සහභාගී වීමට ශ්‍රී ලංකා සංචිතයට කැදවා ඇති අතර පසුගිය නවසීලන්ත ටෙස්ට් තරඟයන්ට ක්‍රීඩා නොකළ කසුන් රාජිත ද මෙවර ශ්‍රී ලංකා සංචිතයට කැඳවා තිබෙන බව සඳහන්.
දෙරට අතර මෙතෙක් ටෙස්ට් තරඟාවලි 31ක් පවත්වා ඇති අතර ඉන් 16ක ජය දකුණු අප්‍රිකාවටත්, 9 ක ජය ශ්‍රී ලංකාවටත් හිමි කරගැනීමට හැකි වුණා .
