මැලේසියාවට බලපා ඇති වැසි සහිත කාලගුණ තත්ත්වය හේතුවෙන් මේ වනවිට පුද්ගලයන් තිදෙනෙකු මියගොස් ඇති බව විදෙස් මාධ්‍ය වාර්තා කරනවා.
එසේම පුද්ගලයන් ලක්ෂයකට ආසන්න පිරිසක් අවතැන් වී ඇති බව ද සඳහන්.
ඔවුන් මේ වනවිට සහන කඳවුරුවල රඳවා ඇති බවයි වාර්තා වන්නේ.
වසර 10කට පසුව ආ දරුණුතම ගංවතුර තත්ත්වය මෙය බව එරට කාලගුණ විද්‍යා දෙපාර්තමේන්තුව ප්‍රකාශ කර තිබෙනවා.
ප්‍රාන්ත අටක තද වැසි බලාපොරොත්තු වන අතර, Kelantan සහ Terengganu හි දිස්ත්‍රික්ක කිහිපයකට අනතුරුදායක මට්ටමේ වර්ෂාපතනයක් අපේක්ෂා කරන බවද එම දෙපාර්තමේන්තුව නිවේදනය කර ඇති බව සඳහන්.
එසේම, රජය ආරක්ෂක භටයින් 82,000 කට අධික සංඛ්‍යාවක් මෙන්ම ගලවා ගැනීමේ බෝට්ටු සහ හෙලිකොප්ටර් ද මේ වනවිට ආපදා තත්ත්වය වෙනුවෙන් යොදවා තිබෙනවා.
ගංවතුර හේතුවෙන් නැගෙනහිර වෙරළ තීරයේ දුම්රිය මාර්ග නවයක කටයුතු තාවකාලිකව අත්හිටුවා ඇති බවද සඳහන්.
