සමාජ මාධ්‍ය දැවැන්තයන් ගෝලීය වශයෙන් ප්‍රතිපත්තිය ක්‍රියාත්මක කිරීමට පියවර ගැනීමත් සමඟ TikTok යෙදුමේ Beauty filters භාවිතා කිරීම ඉක්මනින් අවහිර කරනු ඇති බවට විදෙස් මාධ්‍ය වාර්තා කරනවා.
ඉන් අදහස් කරන්නේ වයස අවුරුදු 18 ට අඩු අය සඳහා තොල්, සිහින් මුහුණු සහ සම සිනිඳු කිරීම වැනි Beauty filters ඉවත්ව යන බවයි.
TikTok සමාගම පසුගියදා ප්‍රකාශ කර ඇත්තේ එය ඉදිරි සතිවලදී ක්‍රියාත්මක කරන බවයි.
සීමාව යටතට වැටෙන ෆිල්ටරයකට උදාහරණයක් වන්නේ WOW EYELASHES, ඉන් පරිශීලකයාගේ ඇස්වල පෙනුම වැඩි කරනවා.
සත්ත්ව කන් වැනි පැහැදිළි සහ හාස්‍යජනක ලෙස නිර්මාණය කර ඇති ෆිල්ටර්ස් යෞවනයන් සඳහා පතවදුරටත් වතිනු ඇති.
මෙම රූපලාවන්‍ය ෆිල්ටර සඳහා වයස් සීමා කිරීමේ ප්‍රතිපත්තිය හඳුන්වා දුන්නේ එක්සත් රාජධානියේ ලාභ නොලබන සංවිධානයක් වන Internet Matters සමඟ මෑතකදී ආරම්භ කරන ලද පර්යේෂණයක යොවුන් වියේ දරුවන්ගේ ප්‍රතිපෝෂණ මත පදනම්ව බව TikTok සමාගම ප්‍රකාශ කර තිබෙනවා.
මෙම වාර්තාවට අනුව නව යොවුන් වියේ දරුවන්ගේ ෆිල්ටර භාවිතය සහ ඔවුන්ගේ ස්වයං හැඟීම කෙරෙහි ඇති කරන බලපෑම පිළිබඳව අවධානයට ලක්ව තිබෙනවා.
විශේෂයෙන්ම, යෞවනයන් සිය පෙනුම ගැන කනස්සල්ලකින් පසුවන බවයි පැවසෙන්නේ.
නව වෙනස්කම්වලට අනුව ටික්ටෝක් ගිණුමක් සැදීම සඳහා වයස අවුරුදු 13 ඉක්මවිය යුතුයි.
වයස් සත්‍යාපනය කිරීමට අසමත් වුවහොත් වෙනත් උපන්දිනයක් සහිත වෙනත් ගිණුමක් සෑදීමට පරිශීලකයාගේ හැකියාව සීමා කිරීම සහ වයස අවුරුදු 13ට අඩු පරිශීලකයින්ට අයත් යැයි සැක කෙරෙන ගිණුම් හඳුනාගැනීම සඳහා පුළුල් තාක්ෂණික වෙනස්කම් රැසක් සිදු කිරීමට ද නියමිතව තිබෙනවා.
එම සමගම පෙන්වා දෙන්නේ වයස් අවශ්‍යතා සපුරාලීමට අපොහොසත් වීම නිසා සෑම මසකම ගෝලීය වශයෙන් ගිණුම් මිලියන 6 ක් පමණ ඉවත් කරන බවයි.
TikTok සමගම මෙම පියවරට පැමිණෙන්නේ ලොව පුරා රජයන් තරුණ තරුණියන් සඳහා සමාජ මාධ්‍ය ප්‍රවේශය පිළිබඳ රෙගුලාසි දැඩි කිරීමත් සමඟ වීම විශේෂත්වයක්.
