අභාවප්රාප්ත ප්රවීන ගායන ශිල්පී ප්රියා සූරියසේනගේ දේහය ඊයේ(25) මහජන ගෞරවය සදහා නුගේගොඩ, ගංගොඩවිල පිහිටි ඔහුගේ නිවසේ තැන්පත් කර තිබුණා.
එම දේහයට අවසන් ගෞරව දැක්වීම සඳහා කලාකරුවන් සහ රසික රසිකායින් විශාල පිරිසක් පැමිණෙමින් සිටින බවයි සඳහන් වුණේ.
අද දහවල් දක්වා ප්රියා සූරියසේනගේ දේහය මෙලෙස මහජන ගෞරවය සඳහා නිවසේ තැන්පත් කර තැබෙන අතර අද පස්වරු 2.00 සිට 5.00 දක්වා දේහය ගුවන් විදුලි සංස්ථා පරිශ්රයේ තැන්පත් කර තැබීමට නියමිතයි.
අනතුරුව දේහය බොරැල්ලේ පිහිටි පෞද්ගලික මල් ශාලාවක් වෙත රැගෙන යන අතර, දේහය පිළිබඳ අවසන් කටයුතු හෙට(27) පස්වරුවේ බොරැල්ල පොදු සුසාන භූමියේදී සිදු කිරීමට නියමිතයි.
මේ අතර,විපක්ෂ නායක සජිත් ප්රේමදාස ප්රියා සූරියසේනගේ දේහයට ඊයේ අවසන් ගෞරව දැක්වනු ලැබුවා.
දේහයට අවසන් ගෞරව දැක්වීම සඳහා මේ වන විටත් ඉතා විශාල ජනකායක් පැමිණෙමින් තිබෙනවා.
