ඉන්දීය සම්මානනීය තබ්ලා වාදක සකීර් හුසේන් අභාවප්‍රාප්ත වී ඇති බව ඉන්දීය මාධ්‍ය වාර්තා සඳහන් කරනවා.
හුසේන් මියයන විට වයස අවුරුදු 73කි.
1951 මාර්තු 9 වන දිනයි ඔහු උපත ලබා ඇත්තේ.
ඔහුගේ පියා වන්නේ ජනප්‍රිය තබ්ලා විශාරද උස්තාද් අල්ලා රාඛාවේ.
සකිර් අසනීප තත්ත්වයෙන් පසු වූ බවත් පසුව සැන් ෆ්‍රැන්සිස්කෝහි රෝහලකදී මිය ගිය බවයි ඔහුගේ පවුලේ අය පවසන්නේ.
ඔහුගේ සංගීත වෘත්තීය ජීවිතය තුළ මේ වසර මුලදී 66 වන ග්‍රැමී සම්මාන උළෙලේදී සම්මාන තුනක් ද ඇතුළුව ඔහු ග්‍රැමී සම්මාන හතරක් ලබ තිබෙනවා.
එමෙන්ම ඔහු 1988 දී පද්ම ශ්‍රී, 2002 දී පද්ම භූෂණ සහ 2023 දී පද්ම විභූෂණ සම්මානවලින්ද පිදුම් ලැබු බව සඳහන්.
