ගල්කිස්ස පොලිස් වසමේ වටරප්පල ප්‍රදේශයේදී පසුගිය 07 වැනිදා වෙඩිතබා පුද්ගලයන් දෙදෙනෙකු ඝාතනය කිරීමේ සිද්ධියට සම්බන්ධ සැකකරුවන් සිවුදෙනෙකු අත්අඩංගුවට ගෙන තිබෙනවා.
සැකකරුවන් අත්අඩංගුවට ගෙන ඇත්තේ, බස්නාහිර පළාත දකුණ අපරාධ කොට්ඨාසය මගින්.
සැකකරුවන් අවුරුදු 17/ 21/ 27 හා 29 යන වයස්වල පසුවන වැල්ලවත්ත, බොරැල්ල, කළුබෝවිල සහ දෙහිවල යන ප්‍රදේශවල පදිංචිකරුවන් වනවා.
විදේශගතව සිටින සංවිධානාත්මක අපරාධ කල්ලි සාමාජිකයෙකු හා මත්ද්‍රව්‍ය ජාවාරම්කරුවෙකු විසින් සැකකරුවන් මෙහෙයවා ඇති බවටයි ඔවුන්ගෙන් සිදුකළ ප්‍රශ්න කිරිම්වලදී අනාවරණ වී ඇත්තේ.
සැකකරුවන් සන්තකයේ තිබී යතුරුපැදියක් ද පොලිස් භාරයට ගෙන තිබෙනවා.
එය තොටලග ප්‍රදේශයේ දී සොරකම් කළ එකක් බවටයි හෙළි වී ඇත්තේ.
සිද්ධිය සම්බන්ධයෙන් ගල්කිස්ස පොලීසිය විසින් වැඩිදුර විමර්ශන ක්‍රියාත්මකයි.
