මෙවර විදුලි ගාස්තු සංශෝධනයට අදාළ යෝජනා විදුලිබල මණ්ඩලය පසුගිය බ්‍රහස්තිපන්දා මහජන උපයෝගිතා කොමිසමට ලබා දී තිබුණා.
එම යෝජනාවේ දැක්වුණේ, 4% ත් 11%ත් අතර ප්‍රමාණයකින් විදුලි ගාස්තු පහළ යා යුතු ලෙසයි.
ඒ පිළිබඳ මහජන උපයෝගිතා කොමිසමේ ස්ථාවරය විදුලිබල මණ්ඩලයට ඊයේ(28) දැනුම්දුන් අතර, මහජන උපදේශන ක්‍රියාවලියෙන් පසු විදුලි ගාස්තු සංශෝධනය කිරීමට නියමිතයි..
ඒ අනුව, දෙසැම්බර් මාසයේ සිට විදුලි ගාස්තු 6%කින් පමණ පහළ යනු ඇති බවයි සඳහන් වන්නේ.
මේ අතර, මහජන උපයෝගිතා කොමිසමේ හිටපු සභාපති, ජනක රත්නායක ප්‍රවෘත්ති සාකච්ඡාවක් කැඳවමින් විදුලි ගාස්තු පහළ දැමීම සම්බන්ධයෙන් අදහස් පළ කළා..
එහිදී ඔහු සඳහන් කළේ, මෙම මිල අඩු කිරීමේ යෝජනාව ඉතා අසාධාරණ බවයි..
ලංවිමට 2023 අගෝස්තු මාසය දක්වා ලැබුණු දල ලාබය රුපියල් බිලියන 133ක් බවත්, අවම වශයෙන් විදුලි බිල 35%කින් පමණ අඩු කිරීමේ හැකියාවක් පවතින බවද ඔහු සඳහන් කළා…
