සිය රජයක් තුල අපරාධකරුවන්ට කිසිදු ඉඩක් නොතබන බවත්, ඔවුන්ට උපරිම දඬුවම් ලබාදෙන බවත් විපක්ෂ නායක සජිත් ප්‍රේමදාස පවසනවා.
විපක්ෂ නායකවරයා මේ බව සඳහන් කළේ, ” දිවිදෙන රණවිරු ” යන නමින් සමගි ජනබලවේගයේ ගාල්ල දිස්ත්‍රික් රණවිරු සමුළුවට ඊයේ (14) එක්වෙමින්.
කෙසේ වෙතත්, මෙහිදී වැඩිදුරටත් අදහස් දැක්වූ විපක්ෂ නායකවරයා සඳහන් කළේ , රට තුළ ඝාතන රැල්ලක් නිර්මාණය වී ඇති බවත්, එයින් මහජන ආරක්ෂාව බිඳ වැටී ඇති බවත් ය.
එසේම, මෙම සමුළුව සඳහා විශාල ජනතාවක් එක්වී තිබුණු අතර, ත්‍රිවිද හමුදා සාමාජිකයින් හා ඔවුන්ගේ පවුල්වල උදවියද එක්ව සිටියා.
