ශ්‍රී ලංකාව සහ එංගලන්තය අතර පැවැත්වෙන දෙවැනි ටෙස්ට් තරගය ලෝර්ඩ්ස් ක්‍රීඩාංගනයේදී ආරම්භ වීමට නියමිතයි.
ක්‍රිකට් ලොවේ රන් දෙවොල ලෙස හඳුන්වන ලොර්ඩ්ස් ක්‍රීඩාංගනයේ තවමත් ශ්‍රී ලංකා කණ්ඩායම ටෙස්ට් ජයක් ලබාගෙන නැහැ.
ශ්‍රී ලංකා කණ්ඩායම ලෝර්ඩ්ස් හී ටෙස්ට් තරග 8කට මුහුණ දී ඇති අතර, එයින් තරග දෙකක් පරාජය වී ඇති අතර ඉතිරි තරග 6ම ජය පරාජයෙන් තොරව අවසන් වී තිබෙනවා.
කෙසේ නමුත්, ඉතිහාසය ගත් කල මෙම පිටියේ ජයග්‍රහනයන් වඩාත්ම හිමිව ඇත්තේ ප්‍රථමයෙන් පන්දුවට පහර දුන් කණ්ඩායම් බවටයි වාර්තා වෙන්නේ.
කොහොම වුණත්, ශ්‍රී ලංකා කණ්ඩායම ඉතිහාසය වෙනස් කිරීමේ අරමුණෙන් ලෝර්ඩ්ස් පිටියට පිවිසීමට නියමිතයි.
ලොර්ඩ්ස් පිටියේ ශතකයක් ලබා ගත් පිතිකරුවකු ලෙස වර්තමානයේ කණ්ඩායම නියෝජනය කරන්නේ ඇන්ජලෝ මැතිව්ස් පමණයි.
