සිය ටෙස්ට් දිවියේ ලකුණු 8000 සීමාව පසු කිරීමට ඇන්ජලෝ මැතිව්ස් සමත්ව තිබෙනවා.
ඒ ශ්‍රී ලංකාව සහ දකුණු අප්‍රිකාව අතර ඊයෙ ( 06) පැවති ටෙස්ට් ක්‍රිකට් තරඟයේදීයි.
තුන් වැනි දිනටත් අද එය පැවැත්වෙනවා.
මේ වනවිට ඔහු නොදැවී ලකුණු 40ක් ලබා සිටින බවයි සඳහන් වෙන්නේ.
මේ අනුව මැතිව්ස් ශ්‍රී ලංකාව වෙනුවෙන් ටෙස්ට් ලකුණු 8000 සීමාව පසුකළ තුන්වැනි ක්‍රීඩකයා වේ.
මෙහි පෙරමුණේ පසුවන්නේ ලකුණු 12,400ක් ලබා ගනිමින් හිටපු ක්‍රීඩක කුමාර සංගක්කාර වන අතර දෙවන ස්ථානයේ පසුවීමට සමත් වී ඇත්තේ ටෙස්ට් ලකුණු 11,814ක් ලබා ගනිමින් මහේල ජයවර්ධනයි.
