ශ්‍රී ලංකා ක්‍රිකට් කණ්ඩායමේ ක්‍රීඩකයින් 06 දෙනෙකු ජාත්‍යන්තර ක්‍රිකට් කවුන්සිලයේ නවතම ශ්‍රේණිගත කිරීම්හි පළමු දස දෙනා අතරට පැමිණීමට සමත්ව තිබෙනවා.
ඒ අනුව වනිඳු හසරංග පන්දුවාර 20 පන්දු යවන්නන් අතර දෙවන ස්ථානයේ රැඳී සිටින අතර, ඔහු එහි තුන් ඉරියව් ක්‍රීඩකයින් අතර 4 වන ස්ථානයේයි සිටින්නේ.
මහීෂ් තීක්ෂණ පන්දුවාර 20 පන්දු යවන්නන් අතර සිටින්නේ පස්වන ස්ථානයේයි.
එමෙන්ම නවතම ටෙස්ට් ශ්‍රේණිගත කිරීම්හි පළමු තැන හා දෙවන තැනට පත්ව සිටින්නේ පිළිවෙලින් එංගලන්තයේ හැරී බෲක් සහ ජෝ රූට් වන අතර කමිදු මෙන්ඩිස්ට හිමිව ඇත්තේ 06 වන ස්ථානය වේ.
ටෙස්ට් පන්දු යවන්නන් අතර ප්‍රභාත් ජයසූරියයි 8 වන ස්ථානයේ රැඳී සිටියි.
පැතුම් නිශ්ශංක පන්දුවාර 20 පිතිකරණ ශ්‍රේණිගත කිරීම්හි 09 වන ස්ථානයේ පසුවන අතර, කුසල් මෙන්ඩිස්ට හිමි ව ඇත්තේ එහි 11 වන ස්ථානයයි.
