විදේශගත ශ්රමිකයන් සිය සේවා කාලය අවසන්කර නැවත මෙරටට පැමිණි පසු ඔවුන්ට අභිමානයෙන් ජීවත්විය හැකි පරිසරයක් ගොඩනඟා දෙන බව ජනාධිපති රනිල් වික්රමසිංහ පවසනවා.
ඔහු මේ බව සඳහන් කළේ, අද (21) පෙරවරුවේ කුරුණෑගල සත්යවාදී පිටියේදී පැවැත්වුණු “විගමනික හරසර” වැඩසටහනේ සමාරම්භක අවස්ථාවට එක් වෙමින්.
පසුගිය ආර්ථික අර්බුදය හමුවේ රටට ,විදේශ විනිමය උපයා දෙමින් ඔවුන් ලබාදුන් දායකත්වයට ස්තූතිය පිරිනැමූ ජනාධිපතිවරයා රටේ ආර්ථිකය ඉදිරියට ගෙන යාමට එය මහත් ශක්තියත් වූ බවද මෙහිදී සඳහන් කළා.
එසේම, ශ්රී ලංකා විදේශ සේවා නියුක්ති කාර්යාංශය විසින් සිදුකරනු ලබන, සුබසාධන ප්රතිලාභ වැඩසටහන යටතේ ව්යවසායකයින් නිර්මාණය කිරීම සඳහා විගමනික ශ්රමිකයින් යෝජනා කරන ස්වයං රැකියා ආරම්භ කිරීමට අවශ්ය මූල්ය ප්රාග්ධනය ලෙස රුපියල් 50,000 බැගින් ප්රදානය කිරීමද මෙහිදී සිදු කෙරුණා.
![Lanka Hit News](https://secure.gravatar.com/avatar/403db0c9ef6805ee5818383b12ef7a4e?s=96&r=g&d=https://lankahitnews.com/wp-content/plugins/userswp/assets/images/no_profile.png)
Author: Lanka Hit News
Post Views: 17