එක්සත් ජනපදය සහ ඉරානය අතර පවතින යුද ගැටුම් යළිත් වරක් උත්සන්න වීමත් සමඟ ලෝක වෙළෙඳපොළේ බොරතෙල් මිල ගණන් කැපී පෙනෙන ලෙස ඉහළ ගොස් තිබේ. මැදපෙරදිග කලාපයේ පවතින මෙම නවතම නොසන්සුන්කාරී තත්ත්වය හේතුවෙන් ගෝලීය ඉන්ධන සැපයුම්වලට බාධා ඇතිවිය හැකි බවට පවතින අවදානම බොරතෙල් මිල ඉහළ යාමට ප්රධාන හේතුව වී ඇතැයි වාර්තා වේ.
ඒ අනුව, මේ වන විට ලෝක වෙළෙඳපොළේ WTI බොරතෙල් බැරලයක මිල 2.39% ක ඉහළ යාමක් පෙන්වමින් අමෙරිකානු ඩොලර් 84.46 ක් දක්වා ඉහළ ගොස් ඇත. එමෙන්ම, බ්රෙන්ට් බොරතෙල් බැරලයක මිල 2.62% කින් ඉහළ ගොස් සටහන් වන්නේ අමෙරිකානු ඩොලර් 90.41 ක් ලෙසය. මීට අමතරව මර්බන් බොරතෙල් බැරලයක මිල ද 4.62% ක සැලකිය යුතු ඉහළ යාමක් පෙන්නුම් කරමින් අමෙරිකානු ඩොලර් 81.32 ක් ලෙස සටහන් වී තිබේ.
ගෝලීය ආර්ථික විද්යාඥයින් අනතුරු අඟවන්නේ මෙම මැදපෙරදිග යුද ගැටුම් තවදුරටත් වර්ධනය වුවහොත්, ඉදිරියේදී ගෝලීය බොරතෙල් මිල ගණන් නැවත වරක් දැඩි ලෙස ඉහළ යා හැකි බවයි.
YouTube: https://www.youtube.com/@lankahitnews
Facebook: https://www.facebook.com/officiallankahitnews
TikTok: https://www.tiktok.com/@lankahitnewsofficial
Twitter/X: https://x.com/HitNewsLanka
Website: https://www.lankahitnews.com
ඔබේ ප්රදේශයේ පුවත් අපට එවන්න:
WhatsApp: 072 746 4185
Email: [email protected]
