ව්‍යාපාරික විරංජිත් තාඹුගලට අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන කොට්ඨාසය හමුවේ පෙනීසිට ප්‍රකාශයක් ලබාදෙන්නැයි කඩුවෙල මහෙස්ත්‍රාත් අධිකරණය අද (08) නියෝග කර තිබෙනවා.
මුදල් විශුද්ධීකරණය සම්බන්ධයෙන් විභාග කෙරෙන නඩුවකට අදාළව විරංජිත් තාඹුගල මහතාව සැකකරුවෙකු ලෙස නම්කර නොමැති හෙයින් විමර්ශන නිලධාරීන් ට එරෙහිව කරුණු ගොනු කිරීමේ අවශ්‍යතාවයක් නොමැති බවද අධිකරණය දැනුම්දී තිබෙනවා.
ඒ හේතුවෙන් විරංජිත් තාඹුගල ට නැවත අධිකරණය හමුවේ පෙනීසිටීමේ අවශ්‍යතාවයක් නොමැති බව කඩුවෙල මහෙස්ත්‍රාත්වරිය දැනුම්දෙනු ලැබුවා.
ඒ අනුව අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන කොට්ඨාසය සඳහන් කළේ ඉදිරි දිනයකදී විරංජිත් තාඹුගලට අදාළ ඒකකය හමුවේ පෙනීසිටින ලෙසට දැනුම්දීමට නියමිත බවයි.
