ඔස්ට්‍රේලියානු රජයෙන් ශ්‍රී ලංකා ගුවන් හමුදාව වෙත පරිත්‍යාග කරන ලද Beechcraft King Air 350 වර්ගයේ ගුවන් යානය මෙරට ගුවන් හමුදා යානා ඇණිය වෙත හඳුන්වාදීමේ උත්සවය ඊයේ (12) පැවැත්වුණා.
ඒ ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) ගේ ප්‍රධානත්වයෙන් රත්මලාන ගුවන් හමුදා මුලික කඳවුරේදී යි.
ශ්‍රී ලංකාවේ ඔස්ට්‍රේලියානු මහ කොමසාරිස් Paul Stephens සහ ස්වෛරී දේශසීමා සඳහා වන ඒකාබද්ධ නියෝජිතායතන කාර්ය සාධක බලකායේ ආඥාපති, රියර් අද්මිරාල් Brett Sonter ද මෙම උත්සවයට සහභාගීව සිටියා.
පසුගියදා මෙම ගුවන් යානය ඔස්ට්‍රේලියානු රජය විසින් ශ්‍රී ලංකා ගුවන් හමුදාව වෙත නිල වශයෙන් භාරදීම සිදුකරනු ලැබුවා.
