මහා වීදි විලාසිතා ජාලයක් වන Mango හි හිමිකරු වන Isak Andic හදිසි අනතුරකින් මියගොස් තිබෙන බව ජාත්‍යන්තර මාධ්‍ය සඳහන් කරනවා.
ඔහු පවුලේ සමාජිකයින් සමග ස්පාඤ්ඤයේ, බාසිලෝනාහි කඳුකර ප්‍රදේශයක ගුහා ගවේෂණයක නිරත වන අවස්ථාවේ 150m පමණ උසකින් යුත් මිටියාවතකට ඇද වැටීමෙන් ඔහු මියගොස් ඇති බවයි සඳහන් වෙන්නේ.
මිය යන විට ඔහුගේ වයස, අවුරුදු 71ක්.
තුර්කියේ උපත ලද Isak 1984 දී බාර්සිලෝනා හි ඔහුගේ සොහොයුරා වන Nahman ගේ සහාය ඇතුවයි Mango රෙදි පිළි ආයතනය ආරම්භ කර තිබෙන්නේ.
මේ වනවිට එය ලොව රටවල් 120ක් පුරා ව්‍යාප්තව අලෙවි සැල් 3000ක් පමණ පවත්වාගෙන යනු ලබයි.
ඇස්තමේන්තු ගත කළ තොරතුරුවලට අනුව ඇන්ඩික්ගේ ශුද්ධ වටිනාකම ඩොලර් බිලියන 4.5 (පවුම් බිලියන 3.6) පමණ වේ.
ඔහුගේ අනතුර සම්බන්ධයෙන් ස්පාඤ්ඤ අග්‍රාමාත්‍යවරයා ද ශෝකය පළ කර තිබුණු බව සඳහන් කරනවා.
