මීගොඩ, නාගහවත්ත ප්‍රදේශයේදී කාර් රථයකින් ගමන් කරමින් සිටි පුද්ගලයෙකුට වෙඩි තබා ඝාතනය කිරීමේ සිද්ධිය සම්බන්ධයෙන් තවත් පුද්ගලයින් දෙදෙනෙකු ඊයේ (23) සවස් කාලයේ අත්අඩංගුවට තිබෙනවා.
අත්අඩංගුවට ගත් එම සැකකරුවන් වසය අවුරුදු 26 සහ 33 වියේ පසුවන මීගොඩ ප්‍රදේශයේ පදිංචිකරුවන්.
මොවුන් දෙදෙනා ඉහත අපරාධය සිදුකිරීම ආධාර අනුබල දීම හා කුමන්ත්‍රණය කිරීම සම්බන්ධයෙන් අත්අඩංගුවට ගත් බව පොලීසිය පවසනවා.
සිද්ධිය සම්බන්ධයෙන් මීට පෙර සැකකරුවන් පස්දෙනෙක් අත්අඩංගුවට ගෙන තිබෙන අතර ඔවුන්ගෙන් කළ ප්‍රශ්න කිරීම්වලදී හෙළිවු තොරතුරු මත මෙම සැකකරුවන් දෙදෙනා අත්අඩංගුවට ගත් බවයි පොලීසිය සඳහන් කරන්නෙ.
එක් සැකකරුවෙකුගෙන් අනාවරණය වූ තොරතුරු මත මීගොඩ කුරුඳුවත්ත පාරේ ඕවිටක ඉවුරේ සඟවා තිබූ මිලිමීටර් 9 වර්ගයේ පිස්තොල අවියක් සහ එම ජීව පතොරොම් 10ක් ද සොයාගැනීමට පොලීසිය සමත්ව තිබෙනවා.
සිද්ධිය සම්බන්ධව බස්නාහිර පළාත් දකුණ අපරාධ කොට්ඨාසය හා මීගොඩ පොලීසිය වැඩිදුර විමර්ශන සිදුකරනු ලබයි.
