ශ්‍රී ලංකා ක්‍රිකට් ආයතනය විසින් ඕස්ට්‍රේලියා කණ්ඩායමේ හා ශ්‍රී ලංකා කණ්ඩායමේ තරඟාවලියට අදාළ තරඟ කාලසටහන ප්‍රකාශයට පත්කර තිබෙනවා.
දෙරට අතර එක්දින ජාත්‍යන්තර තරඟය පැවැත්වීමට නියමිතව ඇත්තේ හම්බන්තොට මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගනයේයි.
තරඟය දිවා රාත්‍රී තරඟයක් ලෙස පැවැත්වෙනවා.
මෙම ඉදිරි සංචාරයට ටෙස්ට් තරඟ දෙකක් සහ එක්දින ජාත්‍යන්තර තරඟයක් ඇතුළත් වෙන බවයි සඳහන් වන්නේ.
ගාල්ල ජාත්‍යන්තර ක්‍රිකට් ක්‍රීඩාංගනයේදී ටෙස්ට් තරඟ පැවැත්වීමට නියමිතයි.
එහිදී පළමු ටෙස්ට් තරඟය ජනවාරි 29 සිට පෙබරවාරි 2 දක්වා පැවැත්වෙන අතර දෙවන ටෙස්ට් තරඟය 2025 පෙබරවාරි 6 සිට 10 දක්වායි පැවැත්වෙන්නේ.
එමෙන්ම එක්දින තරඟය පැවැත්වෙන්නේ 2025 පෙබරවාරි 13 වන දිනයි.
2025 ජනවාරි 20 වන දින ඕස්ට්‍රේලියානු ක්‍රිකට් කණ්ඩායම ශ්‍රී ලංකාවට පැමිණෙන බව සඳහන්.
