වයස අවුරුදු 11න් පහළ මේසපන්දු ලෝක ශ්‍රේණිගත කිරීම්වල 11 වැනි ස්ථානය ලබා ගැනීමට 9 හැවිරිදි ටාවි සමරවීර සමත් වී තිබෙනවා.
වයස් හෝ ස්ත්‍රී පුරුෂ භේදයකින් තොරව ශ්‍රී ලාංකික මේසපන්දු ක්‍රීඩකයකු මෙතෙක් ලබා ඇති ඉහළම ලෝක ශ්‍රේණිගත කිරීම මෙය බවයි කියන්නේ.
එය ලංකාවේ මේසපන්දු ඉතිහාසයේ සුවිශේෂී සන්ධිස්ථානයක් බවට පත් කරනු ලබයි.
ඔහු පුහුණු කරනු ලබන්නේ ITTF සහතික ලත් පුහුණුකරුවෙකු වන ඔහුගේ පියා වන හසිත සමරවීර විසිනි.
ටාවි ගල්කිස්ස සා.තෝමස් විද්‍යාලයේ ඉගෙනුම ලබයි.
මීට අමතරව, ඔහු සුවිශේෂී දක්ෂතා සහ හැකියාවන් ප්‍රදර්ශනය කරමින් වයස අවුරුදු 13 න් පහළ කාණ්ඩයේ ලෝක ශ්‍රේණිගත කිරීම්හි 67 වැනි ස්ථානයද හිමි කර ගෙන තිබෙනවා.
එය වයස් කාණ්ඩ දෙකකින් ලොව හොඳම ක්‍රීඩකයින් 100 අතරට පැමිණීමේ තවත් සුවිශේෂී ජයග්‍රහණයකි.
