දකුණුදිග කේරළ ප්‍රාන්තයේ මාරාන්තික නිපා වෛරසය හේතුවෙන්, එරට ප්‍රාන්ත රජය හදිසි සෞඛ්‍ය තත්ත්වයක් ප්‍රකාශයට පත්කර තිබෙනවා.
විදෙස් මාධ්‍ය පවසන්නේ, එම රෝගය ආසාදනය වීමෙන් 14 හැවිරිදි පිරිමි ළමයෙකු මියයාමත් සමඟ මෙම තීරණය ගෙන ඇති බවයි.
මෙය ඌරන් සහ වවුලන් වැනි සතුන්ගෙන් මිනිසුන්ට සම්ප්‍රේෂණය වන රෝගයක් වන අතර, මෙයින් මාරාන්තික මොළයේ ඉදිමීම් උණ ඇති කරනු ලබන බවයි සඳහන් වන්නේ.
රෝගය වැළඳීමේ වැඩි අවදානම් කාණ්ඩයට අයත් පුද්ගලයින් 60 දෙනෙකු මේ වනවිට හඳුනාගෙන ඇති බවද සඳහන්.
කෙසේ වෙතත්, විදෙස් මාධ්‍ය වැඩිදුරටත් සඳහන් කරන්නේ, මෙම රෝගය සඳහා තවමත් නිශ්චිත ප්‍රතිකාරයක් සොයා ගෙන නොමැති බවයි.
Views Today : 111
Views Yesterday : 71