ලංකා ඛනිජ තෙල් නීතිගත සංස්ථාව (CPC) අද (19) සිට ඉන්ධන බෙදාහැරීම වාහන අංක තහඩුවේ අවසාන අංකය මත පදනම් වූ ඔත්තේ-ඉරට්ටේ ක්රමය අනුව සිදු කරන බව නිවේදනය කර තිබෙනවා.
ඒ අනුව,
ඔත්තේ අංක (1, 3, 5, 7, 9) — ඔත්තේ දිනවලදී ඉන්ධන ලබාගත හැකි අතර ඉරට්ටේ අංක (0, 2, 4, 6, 8) — ඉරට්ටේ දිනවලදී ඉන්ධන ලබාගත හැක.
අද (19) ඔත්තේ දිනයක් වන බැවින්, ඔත්තේ අංක වලින් අවසන් වන වාහන සඳහා ඉන්ධන ලබාගැනීමේ අවසරය ලබාදී තිබෙනවා.
QR කෝටා තවමත් නොලැබූ පුද්ගලයින්ට, මෙම ඔත්තේ-ඉරට්ටේ ක්රමය නොසලකා අද දිනයේ ඉන්ධන ලබා ගැනීමට අවසර දී තිබෙනවා.
වාහන අනන්යතාවය තහවුරු කිරීම සඳහා පහත ලේඛන වලින් එකක් ඉදිරිපත් කළ යුතුය:
* ආදායම් බලපත්රය
* ලියාපදිංචි සහතිකය
* රක්ෂණ සහතිකය
* විමෝචන පරීක්ෂණ සහතිකය
නීති විරෝධී ඉන්ධන බෙදාහැරීම් පිළිබඳ තොරතුරු ලබාදීමට:
0112 106 767 | 0117 296 130
මාර්ගෝපදේශ උල්ලංඝනය කරන පිරවුම්හල්වලට එරෙහිව දැඩි නීතිමය ක්රියාමාර්ග ගන්නා බවද CPC අවධාරණය කර තිබෙනවා.
