රජයේ රස පරීක්ෂක දෙපාර්තමේන්තුවේ ගොඩගැසී ඇති කිලෝග්රෑම් එකට වඩා අඩු මත්ද්රව්ය සාම්පල ඉවත්කිරීමට අවශ්ය පියවර ගන්නා ලෙස අධිකරණ සේවා කොමිෂන් සභාව සියලු මහෙස්ත්රාත්වරුන්ට දැනුම්දී තිබෙනවා.
අධිකරණ සහ ජාතික ඒකාබද්ධතා අමාත්යාංශ ලේකම් ජනාධිපති නීතීඥ අයේෂා ජිනසේන මහත්මිය විසින් සිදුකළ ඉල්ලීමකට අනුවයි අදාළ දැනුම්දීම සිදුකර ඇත්තේ.
1981 වර්ෂයේ සිට 2023 වර්ෂය දක්වා රජයේ රස පරීක්ෂක දෙපාර්තමේන්තුව වෙත යොමුකර ඇති කිලෝ ග්රෑම් එකට අඩු පරීක්ෂණ කටයුතු අවසන් කර ඇති‘ මත්ද්රව්ය සාම්පල සම්බන්ධයෙන් වාර්තාවක් අධිකරණ අමාත්යාංශය විසින් අධිකරණ සේවා කොමිෂන් සභාව වෙත යොමුකර තිබෙනවා.
එම අමාත්යාංශය පෙන්වා දෙන්නේ පරීක්ෂණ කටයුතු අවසන් වුව ද රඳවා තබාගෙන ඇති මෙම සම්පාල හේතුවෙන් රස පරික්ෂක දෙපාර්තමේන්තුවේ ඉඩකඩ ප්රමාණවත් නොවීම මත ගබඩා පහසුකම් ලබාදීමට හැකියාවක් නොමැති වී ඇති බවයි.
ඒ සම්බන්ධයෙන් කඩිනම් අවධානය යොමුකර පරීක්ෂණ අවසන් කර ඇති මත්ද්රව්ය සාම්පල රස පරික්ෂක දෙපාර්තමේන්තුවෙන් ඉවත් කර ගැනීමට අවශ්ය කටයුතු සිදුකර දෙන ලෙස අධිකරණ අමාත්යාශය අධිකරණ සේවා කොමිෂන් සභාවෙන් ඉල්ලීමක් කර තිබෙනවා.
එම ඉල්ලීම සලකා බැලු අධිකරණ සේවා කොමිෂන් සභාව රජයේ රස පරික්ෂක දෙපාර්තමේන්තුවේ ගොඩගැසී ඇති කිලෝග්රෑම් එකට අඩු මත්ද්රව්ය සාම්පල ඉවත් කරගැනීමට අවශ්ය පියවර ගන්නා ලෙස සියලු මහෙස්ත්රාත්වරුන් වෙත ලිඛිතව දැනුම් දි ඇති බවයි වාර්තා වන්නේ.
