කළුතර දිස්ත්රික් පාර්ලිමේන්තු මන්ත්රී ජගත් විතාන මහතාට එල්ල වී ඇති මරණීය තර්ජනය හමුවේ පොලීසිය ලබා දුන් ආරක්ෂාව පිළිබඳව මාධ්යයට පොලිස්පතිවරයා කළ ප්රකාශය සමගි ජන බලවේගයේ අවධානයට යොමුව තිබෙනවා.
දේශපාලනික නොවන කරුණු කාරණා මත මන්ත්රීවරයාට තර්ජන එල්ල වී ඇති බවත්, ඒ පිළිබඳව පරීක්ෂණ පවත්වන බවත් කරනු ලබන ප්රකාශය තුළ මන්ත්රීවරයා වෙනත් අනීතික ක්රියාවකට හෝ පෞද්ගලිකව ඉස්මතු වූ ක්රියාවකට හෝ තර්ජනයක් එල්ල වී ඇති බව හැඟෙන බවයි නිවේදනයක් නිකුත් කරමින් එම පක්ෂය සඳහන් කර ඇත්තේ.
වැඩිදුරටත් එහි පවසන්නේ එය කුමක්දැයි නිවැරදිව ප්රකාශ කිරීම පොලිස්පතිවරයාගේ වගකීමක් වන බවත්, එසේ නොමැතිව වක්රෝත්තියෙන් ප්රකාශ සිදු කිරීම තුළ මහජන සේවාවේ නිරත මන්ත්රීවරයෙකුට සිදු කරනු ලබන අපහාසාත්මක ප්රකාශයක් ලෙස එය සිය පක්ෂය විසින් තරයේ හෙළා දකින බවයි.
