ලෝක සුනාමි ආපදා දැනුවත් කිරීමේ දිනට සමගාමීව පැවැත්වීමට නියමිත ඉන්දියානු සාගර සුනාමි පෙරහුරු අභ්යාසය අද (05) දින සිදුකිරීමට නියමිත වනවා.
ආරක්ෂක අමාත්යාංශය යටතේ ඇති ආපදා කළමනාකරණ මධ්යස්ථාන ශ්රී ලංකාවේ පැවැත්වීමට නියමිත ඉන්දියන් සාගර සුනාමි අභ්යාසය, යුනෙස්කෝ අන්තර් රාජ්ය සාගර විද්යා කොමිසම විසින් ඉන්දියානු සාගර සුනාමි අනතුරු ඇඟවීමේ සහ අවම කිරීමේ පද්ධතිය හරහා මෙය කලාපීය අභ්යාසයක් ලෙසයි සංවිධානය කර ඇත්තේ.
ඉන්දියානු සාගර සුනාමි අභ්යාසය අනුගතව පුරෝකථනය කරන ලද භූමිකම්පාවක් මඟින් ජනිතවන සුනාමි තත්ත්වයකදී එක් එක් ආයතන තම ආයතනවල පවතින සම්මත මෙහෙයුම් ක්රියාපටිපාටියට අනුකූලව ක්රියා කරනු ලබන ආකාරය පිළිබඳ මේ තුළින් රාජ්ය නිලධාරීන්ට පුහුණුවක් ලබාදීමට නියමිතයි.
ප්රායෝගික පෙරහුරු වැඩසටහන සඳහා මඩකලපුව, යාපනය, ගාල්ල සහ කළුතර යන වෙරළබඩ දිස්ත්රික්කවල තෝරාගත් ග්රාම නිලධාරී කොට්ඨාස 5ක් ඇතුළත්.
ප්රධාන පෙරහුරුව කළුතර දිස්ත්රික්කයේ අද උදෑසන 8.30ට ආරම්භ වනවා.
මෙය යුනෙස්කෝ නිල මාර්ගෝපදේශ යටතේ පවත්වනු ලබන විශේෂ අභ්යාසයක් පමණක් වන අතර, මෙම වැඩසටහන පිළිබඳ අනියත බියක් ඇති කරගත යුතු නොමැති බවයි ආපදා කළමනාකරණ මධ්යස්ථානය දැනුම් දෙන්නේ.
