එක්සත් රාජධානියේ රාජකීය පවුල වටා නැවතත් උණුසුම් වාතාවරණයක් මතුව තිබේ. බ්‍රිතාන්‍ය මාධ්‍ය වාර්තා අනුව, චාල්ස් රජුගේ බාල සොහොයුරු වන ඇන්ඩෲ මවුන්ට්බැටන්-වින්ඩ්සර් රාජ්‍ය කාර්යාලයක විෂමාචාරයක් සම්බන්ධයෙන් සැකපිට පොලිසිය විසින් අත්අඩංගුවට ගෙන ඇතැයි වාර්තා වනවා.

පොලිසියේ ප්‍රකාශය අනුව
ලන්ඩනයේ බටහිර ප්‍රදේශ ආවරණය කරන Thames Valley Police පවසන්නේ, “වයස අවුරුදු හැට ගණන්වල පසුවන පුද්ගලයෙකු” රාජ්‍ය කාර්යාලයක විෂමාචාර චෝදනාවක් සම්බන්ධයෙන් අත්අඩංගුවට ගත් බවටයි.

එක්සත් රාජධානියේ නීතිය අනුව, පොලිසිය සැකකරුවන්ගේ නාමය සෘජුව ප්‍රකාශ නොකරන බවත්, පරීක්ෂණයේ අඛණ්ඩතාව හා වෛෂයිකභාවය ආරක්ෂා කිරීම ප්‍රමුඛතාවයක් බවටත් ලබා දෙන බවටත් වැඩි දුරටත් එම ප්‍රකාශයේ සඳහන්ව තිබෙනවා.

එප්ස්ටයින් සම්බන්ධතා නැවත අවධානයට
ඇන්ඩෲ මවුන්ට්බැටන්-වින්ඩ්සර්ගේ නාමය පෙර අවස්ථාවලදීද ජෙෆ්රි එප්ස්ටින් සමඟ ඇති සබඳතා හේතුවෙන් මහජන විවේචන වලට ලක්ව තිබුණා. 2010 දී වරදකරු වූ එප්ස්ටයින් වෙත වෙළඳ වාර්තා යවා ඇති බවට වාර්තා තක්සේරු කරමින් සිටින බවද පොලිසිය වැඩිදුරටත් ප්‍රකාශ කර තිබෙනවා.
සොයා බැලීම් සහ නිවාස අවට ක්‍රියාමාර්ග
බ්‍රිතාන්‍ය මාධ්‍ය වාර්තා කරන්නේ, සැන්ඩ්‍රින්හැම්හි ඇන්ඩෲගේ නිවස අවට සහ බර්ක්ෂයර්, නොර්ෆොක් ප්‍රදේශවල ලිපින කිහිපයක් සම්බන්ධයෙන් සොයා බැලීම් සිදු කර ඇති බවයි.
රාජකීය පදවි ඉවත් කිරීම.

2025 සරත් සමයේදී Charles III විසින් ඇන්ඩෲගෙන් “කුමාර” පදවිය නිල වශයෙන් ඉවත් කළ අතර, “යෝර්ක්හි ආදිපාද” පදවියද ඉවත් කර තිබෙනවා. එය එප්ස්ටයින් සමඟ ඇති සම්බන්ධතා හෙළිවීමෙන් පසු ගත් තීරණයක් ලෙස වාර්තා වුණා.
මේ සම්බන්ධයෙන් පොලිස් පරීක්ෂණය තවදුරටත් ක්‍රියාත්මක වන අතර, නීතිමය ක්‍රියාවලිය අවසන් වන තෙක් නිල තොරතුරු සඳහා බලා සිටිය යුතු බව විශ්ලේෂකයින් පෙන්වා දී තිබෙනවා.