සිංහල හා දෙමළ අලුත් අවුරුදු උත්සව සමය නිමිත්තෙන් මහජන ආරක්ෂාව තහවුරු කිරීම සඳහා ශ්‍රී ලංකා පොලිසිය විසින් දිවයින පුරා විශේෂ ආරක්ෂක වැඩසටහනක් ක්‍රියාත්මක කර තිබෙනවා.

මෙම විශේෂ සැලැස්ම යටතේ, දිවයින පුරා පිහිටි පොලිස් ස්ථාන 608ක් හරහා ආරක්ෂක වැඩසටහන ක්‍රියාත්මක වන අතර, පොලිස් මාධ්‍ය ප්‍රකාශක F. U. වූට්ලර් මහතා සඳහන් කළේ මහජන ආරක්ෂාව උපරිම මට්ටමින් රැකගැනීම මෙහි ප්‍රධාන අරමුණ බවයි.

තවද, රථවාහන පාලනය සහ පොදු ආරක්ෂාව සඳහා පොලිස් නිලධාරීන් 10,000 කට වැඩි පිරිසක් යොදවා ඇති බවත්, උත්සව සමයේ ජනතාවට ආරක්ෂිත හා සාමකාමී පරිසරයක් සපයීමට සියලු පියවර ගෙන ඇති බවත් ඔහු වැඩිදුරටත් පවසා තිබෙනවා.

උත්සව සමයේදී මහජනතාවගෙන් ඉල්ලා සිටින්නේ නීති රීති පිළිපදිමින්, ආරක්ෂාව පිළිබඳ අවධානයෙන් කටයුතු කරන ලෙසයි.