කොළඹ: කොළඹ – කටුනායක අධිවේගී මාර්ගයේ ගාස්තු ගෙවීම සඳහා ETC (Electronic Toll Collection) පහසුකම භාවිත කරන රියදුරන් වෙනුවෙන් විශේෂ වට්ටම් සහ නව පහසුකම් රැසක් හඳුන්වා දීමට ප්රවාහන, මහාමාර්ග සහ නාගරික සංවර්ධන අමාත්යාංශය සහ මාර්ග සංවර්ධන අධිකාරිය (RDA) පියවර ගෙන තිබේ.
මේ පිළිබඳව මහජනතාව දැනුවත් කිරීමේ වැඩසටහනක් අද (15) දින ක්රියාත්මක කෙරිණි.
ETC භාවිතයේ ප්රධාන වාසි සහ වට්ටම්
10% ක ස්ථිර වට්ටමක්: ETC පහසුකම භාවිත කරන්නන් සඳහා සෑම ගමන් වාරයකදීම නියමිත අධිවේගී මාර්ග ගාස්තුවෙන් 10% ක සෘජු වට්ටමක් හිමි වේ.
ප්රමාදයකින් තොරව ගමන් කිරීම: ETC සඳහාම වෙන්වූ වෙනම මංතීරු (Lanes) ඇති බැවින්, පෝලිම්වල රැඳී සිටීමකින් තොරව ඉක්මනින් ඇතුළු වීමට සහ පිටවීමට අවස්ථාව ලැබෙයි.
ETC පහසුකම පවතින සහ ඉදිරියේදී ලැබෙන ස්ථාන
දැනට පෑලියගොඩ, කෙරවලපිටිය, ජා-ඇල සහ කටුනායක යන හුවමාරු මධ්යස්ථානවලින් මෙම පහසුකම ලබාගත හැක.
ඉදිරියේදී කඩවත සිට පිටත වටරවුම් මාර්ගය හරහා කටුනායක අධිවේගී මාර්ගයට පිවිසෙන වාහන සඳහා කඩවත අන්තර් හුවමාරු මධ්යස්ථානයේදී ද මෙම පහසුකම ලබාදීමට කටයුතු යොදා ඇත.
නිවසේ සිටම පහසුවෙන් ලියාපදිංචි වන්න
මීට පෙර ETC ලබාගැනීමේදී පැවති අපහසුතා මඟහරිමින් දැන් ඉතා පහසුවෙන් www.exway.rda.gov.lk වෙබ් අඩවිය හරහා ලියාපදිංචි විය හැක.
පියවර 01: වෙබ් අඩවියෙන් ලියාපදිංචි වන්න.
පියවර 02: ඔබට පහසු හුවමාරු මධ්යස්ථානයකින් RFID Tag එක ලබාගන්න.
පියවර 03: අදාළ වෙබ් අඩවිය හෝ Govpay App එක හරහා බැංකු කාඩ්පතින් මුදල් බැර (Top-up) කරගන්න.
රියදුරන් වෙත කෙරෙන විශේෂ දැනුම්දීම
අවහිරතාවයකින් තොරව ETC පද්ධතිය ක්රියාත්මක වීම සඳහා, ඇතුළුවීමේ සහ පිටවීමේ ගේට්ටු අසලදී:
වාහනයේ වේගය පැයට කිලෝමීටර් 15 ක් (15 km/h) ලෙස පවත්වා ගන්න.
ඉදිරියෙන් ඇති වාහනය සමඟ මීටර් 20 ක (20m) පරතරයක් තබාගන්න.
✖️ YouTube: https://www.youtube.com/@lankahitnews
✖️ Facebook: https://www.facebook.com/officiallankahitnews
✖️ TikTok: https://www.tiktok.com/@lankahitnewsofficial
✖️ Twitter/X: https://x.com/HitNewsLanka
✖️ Website: https://www.lankahitnews.com
ඔබේ ප්රදේශයේ පුවත් අපට එවන්න:
WhatsApp: 072 746 4185
Email: [email protected]
නවතම පුවත් ඉක්මනින්ම ලබාගන්න Lanka Hit News Page එක Follow කරලා තියාගන්න.
