2026 මුදල් වර්ෂය සඳහා වූ විසර්ජන පනත් කෙටුම්පත පාර්ලිමේන්තුවට ඉදිරිපත් කිරීමට කැබිනට් මණ්ඩලයේ අනුමැතිය හිමිව තිබෙනවා.
පසුගිය ජූලි 1 වන දා පැවති අමාත්ය මණ්ඩල රැස්වීමේ දීයි විසර්ජන පනත් කෙටුම්පත සකස් කිරීමට අමාත්ය මණ්ඩල අනුමැතිය හිමි වුණේ.
ඒ අනුව නීති කෙටුම්පත් සම්පාදක විසින් සකස් කර ඇති 2026 මුදල් වර්ෂය සඳහා වු විසර්ජන පනත් කෙටුම්පත සඳහා නීතිපතිගේ නිෂ්කාශනය ලැබී තිබෙනවා.
එහිදී එම පනත් කෙටුම්පත රජයේ ගැසට් පත්රයේ පළ කිරීමටත්, ඉන් අනතුරුව අනුමැතිය සඳහා පාර්ලිමේන්තුව වෙත ඉදිරිපත් කිරීමටත් ජනාධිපතිවරයා කළ යෝජනාවටයි අමාත්ය මණ්ඩල අනුමැතිය හිමිව ඇත්තේ.
