යාපනය දිස්ත්‍රීක්කයට අද (28) දින ඇදහැලුනු ධරාණිපත වර්ෂාව හේතුවෙන් යාපනය ශික්ෂණ රෝහල ද ජලයෙන් යට වී තිබෙනවා.
යාපනය ශික්ෂණ රෝහලේ නේවාසික වාට්ටු කිහිපයක්ම ගංවතුර තර්ජනයකට ලක්ව තිබෙන අතර වාට්ටුතුලට ජලය ගලාඒම හේතුවෙන් කාර්ය මණ්ඩලයන් මෙන්ම රෝගීන්ද දැඩි පීඩාවන්ට පත්ව ඇති බවයි වාර්තා වන්නේ.
නේවාසිකාගාර කිහිපයක්ද ජලයෙන් යටවීම හේතුවෙන් කාර්ය මණ්ඩලයේ සේවකයින්ගේ රාජකාරි කටයුතුවලටද දැඩි බාධාවක් වී තිබෙනවා.
යාපනය ශික්ෂණ රෝහලේ අධ්‍යක්ෂකවරයා සඳහන් කළේ ශල්‍යකර්ම ආදි ප්‍රතිකාර කටයුතු සඳහාද ගංවතුර තත්වය දැඩි බලපෑමක් එල්ල කර ඇති බවයි.
