එළැඹෙන 09, 10, 11, 12 වැනි දිනයන් වල නැවත වරක් වැසි තත්ත්වයේ වර්ධනයක් ඇති විය හැකි බව කාලගුණවිද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක පවසනවා.
මේ අනුව, ඉදිරියේදී කාලගුණ විද්‍යා දෙපාර්තමෙන්තුව විසින් නිකුත් කරන නිවේදන පිළිබඳව අවධානයෙන් සිටින ලෙසටද ඔහු ජනතාවගෙන් ඉල්ලා සිටිනවා.
“නිරිතදිග බෙංගාල බොක්කේ දකුණු අන්දමන් දූපත් අසල නැවත වරක් කැළඹෙන ස්වභාවයක් උද්ගත වෙලා තියෙනවා. කැළඹෙන ස්වභාවයක් තිබ්බ පලියට අපිට එකපාරට කියන්න බෑ මේක සුළි කුණාටුවක්ද පීඩන අවපාතයක් ද කියන එක. දැනට මේකේ වර්ධනයක් අපට පෙන්නුම් කරනවා.
මෙය බෙංගාල බොක්ක ප්‍රදේශයෙන් උතුරු දිශාවට ගමන් කරන ස්වභාවක් පෙන්නුම් කරනවා. හැබැයි වයඹට බරව. මේ පද්ධතියේ දැනට අපිට පේනවා මීට කලින් ගිය පද්ධතිය හා ගත්තාම නැගෙනහිර වෙරළබඩ තීරයට ඈතින් තමා ගමන් කරන්නේ. මේකේ වක්‍ර බලපෑමක් බොහෝවිට ඇතිවීමට හැකියාවක් තියෙන්නේ 9, 10, 11, 12 වැනි දිනයන් වල එම වක්‍ර බලපෑම හේතුකොට ගෙන උතුර, නැගෙනහිර, උතුරුමැද, සහ ඌව වැනි පළාත්වල සාමාන්‍ය වැසි තත්ත්වයේ වැඩිවීමක් 09 වනදා රාත්‍රී කාලයෙන් පස්සේ ඇතිවීමේ ලකුණු දැනට පහල වෙලා තියෙනවා.්‍
මෙය ඉදිරියේදී අඩු පීඩන කලාපයක් දක්වා වර්ධනය වෙනවාද නැද්ද කියලා කියන එකේ තහවුරු කිරීම අපි ඉදිරි අනාවැකි කරණයේදී පැහැදිලිව ජනතාවට දැන ගැනීමට සලස්වනවා.”
එසේ හෙයින් ඔබත් නිතරම කාලගුණ අනාවැකි පිළිබඳව සැලකිලිමත් වීමද අත්‍යාවශය කරුණක් ද වනවා.
