රාජ්ය සේවය කප්පාදු කිරීමට කිසිසේත් බලාපොරොත්තු නොවන නමුත් රාජ්ය සේවය පවත්වා ගෙන යාම සඳහා දරන වැය බර පිළිබඳව ගැටලුවක් තිබෙන බව ජනාධිපති අනුර දිසානායක පවසනවා.
එසේම, එක් අධිෂ්ඨානයක සිටිමින් රාජ්ය සේවය යම් විධිමත් යාන්ත්රණයකට ගෙන ආ යුතු බව ද ජනාධිපතිවරයා සඳහන් කළා.
ජනාධිපති අනුර කුමාර දිසානායක මේ බව සඳහන් කළේ, නාරාහේන්පිට ‘නිල මැදුර’ ගොඩනැගිල්ලේ ස්වදේශ කටයුතු අමාත්යාංශ ශ්රවණාගාරයේ අද (20) දිස්ත්රික් ලේකම්/දිසාපති සමුළුව අමතමින්.
ආණ්ඩුවේ ඒජන්තවරයාගේ සිට දිස්ත්රික් ලේකම් දක්වා තනතුරු නාම වෙනස් වූ සේවය වසර 200ක් පමණ පැරැණි වන අතර රට නව දිශානතියකට යොමු කිරීම සඳහා එමඟින් විශාල කාර්යභාරයක් ඉටු කර ඇති බව සඳහන් කළ ජනපතිවරයා.. අවසාන අරමුණ හා ඉලක්කය වල වත්මන් තත්ත්වය ගැන සෑහීමකට පත් විය නොහැකි බව ද සඳහන් කළා.
