ඇලහැර ගොවිජන ව්‍යාපාරයේ ගොවීන්ට වන අලින්ගෙන් සිදු වන හානිය නිමක් නැති බව පොලොන්නරුව දිස්ත්‍රික්කයේ ඇලහැර ගොවිජන ව්‍යාපාරයේ ඉකිරිවැව, සෝමියෙල් යන ගම්මානවල ගොවීන් පවසනවා.
වස්ගමුව ජාතික වනෝද්‍යානයේ සිට අඹන් ගඟ හරහා ගම්මාන වෙත නිරන්තරයෙන් මේ ප්‍රදේශයට වන අලි පැමිණෙන බවත් නිවාස සහ වගාවන් විනාශ කරමින් ජන ජීවිතයට අවධානමක් ඇති බව ගොවීන් සඳහන් කළා.
කොතෙකුත් මැති ඇමතිවරුන්ට සහ වනජීවි නිළධාරීන්ට මේ බව කියා සිටියත් කියන ක්‍රමය පවා වෙනස් කරමින් කියන්නට සිදුව ඇති බවයි ගොවීන් පවසා සිටියේ.
එලෙස වන අලින්ගෙන් සිදුවන වගා හානි පිළිබඳ අදහස් දැක්වීමට එක්වූ ඉකිරිවැව ගම්මානයේ ගොවියෙකු අදහස් දැක්වීමේදී ඔලුවෙන් සිටගෙන මැති ඇමතිවරුන්ට, වනජීවී නිළධාරීන්ට සහ පරිසරවේදීන්ට අදහස් දැක්වීම විශේෂත්වයක්.
