අද බෞද්ධ ජනතාවට සුවිශේෂී වූ දිනයක් ලෙස සැලකෙන ඇසළ පොහෝ දිනයයි.
බෞද්ධ ඉතිහාසයේ වැදගත් සිදුවීම් රැසක් සිදුවූ උතුම් දිනයක් ලෙස අද (20) දවස හඳුන්වන්න පුළුවන්.
අපමහ සිදුහත් බෝසතණන් වහන්සේ පස්මහ බැළුම් බැලීමෙන් අනතුරුව මිනිස් ලොව උපදින්නට මහමායා දේවියගේ කුස පිළිසිඳගත්තේ අද වන් දිනකයි.
එමෙන්ම සිදුහත් කුමරු ගිහිගෙය කලකිරී මහා භිනිෂ්ක්‍රමණය කරන්නේ ද, රාහුල කුමරුගේ උපත සිදු වන්නේ ද අද වැනි ඇසළ පුන් පෝ දිනකයි.
බුදුහිමි විසින් ප්‍රථම වරට පස්වග තවුසන් උදෙසා ධම්ම චක්ක පවත්තන සූත්‍රය දේශනා කොට වදාළේද ඇසළ පොහොය දිනයක වීමත් විශේෂත්වයක්.
