ට්‍රැක්ටරයක් ගංවතුරේ පෙරලී පාසල් සිසුන් 5ක් මියගිය සිද්ධියට අදාලව ඔවුන් ඉගෙනුම ලැබූ නින්දවූර් මද්‍රසා පාසලේ විදුහල්පති, ගුරුවරයෙකු ඇතුළු 4ක් අත්අඩංගුවට ගෙන තිබෙනවා.
මේ අතර එම ට්‍රැක්ටර් රථය පෙරළීම නිසා අතුරුදන්ව සිටි එහි රියදුරු සහ ඔහුගේ සහයකයෙකුගේ මළ සිරුරුද අද(28) උදෑසන සොයා ගනු ලැබුවා.
මීට පෙර ට්‍රැක්ටරය පෙරළිී අතුරුදන් වූ සිසුන් 04 දෙනෙකුගේ මළ සිරුරු සොයාගත් අතර, තවත් සිසුන් දෙදෙනෙකු අතුරුදන් බවයි පොලිසිය කියා සිටියේ.
ට්‍රැක්ටර් රථය රළ පහරට හසු වන විට එහි රියදුරු සමග ඔහුගේ සහයකයින් දෙදෙනෙක් ගමන් කර තිබූ අතර, එක් අයෙකු අතර මගදී පැන ගොස් තිබුණා.
ඔහු ද අද උදෑසන පොලිසියට භාර වී ඇති බව සඳහන්.
