කොළඹ නගරය ආශ්රිතව අද (31) විශේෂ රථ වාහන සැලැස්මක් ක්රියාත්මක කර ඇති බව පොලීසිය පවසනවා.
2026 නව වසර සැමරීම සඳහා අද දින පිට පළාත්වලින් නව වසර උදාව සැමරීම සඳහා විශාල ජනතාවක් සහ රථවාහන ප්රමාණයක් කොළඹ නගරය වෙත විශේෂයෙන් ගාලු මුවදොර ප්රදේශය වෙත පැමිණිම අපේක්ෂා කරන බවයි පොලීසිය ප්රකාශ කළේ .
එබැවින් එසේ පැමිණීමේ දී ඇතිවිය හැකි රථවාහන තදබදය අවම කර ගැනීම සඳහා හා එම ජනතාවගේ ආරක්ෂාව සඳහා ශ්රී ලංකා පොලීසිය විසින් විශේෂ රථවාහන සැලැස්මක් හා ආරක්ෂක සැලැස්මක් ක්රියාත්මක කිරීමට සැලසුම් කර ඇති.
නව වසර උදාව හේතු කොට ගෙන විශේෂයෙන් කොළඹ නගරයේ කොටුව, පිටකොටුව, කොම්පඤ්ඤ වීදිය, මරදාන, කොල්ලුපිටිය, බම්බලපිටිය හා කුරුඳුවත්ත යන පොලිස් වසම්වල මෙසේ අධික රථවාහන තදබදයක් ඇතිවිය හැකි බවටයි අපේක්ෂා කරනු ලබන්නේ.
එසේ වුවද, අද දිනයේ මෙම පොලිස් වසම්වල සාමාන්ය පරිදි රථවාහන ගමනාගමනය සිදු කරන අතර අධික රථවාහන තදබදයක් ඇතිවන අවස්ථාවලදී පමණක් අවස්ථානුකූලව පහත පරිදි රථවාහන ගමනාගමනය සිදු කිරීමට සැලසුම් කර තිබෙනවා.
