දකුණු ඇමරිකාවේ කොලොම්බියාවෙන් වාර්තා වන හදිසි අනතුරක් ලෙස, හමුදා ප්රවාහන ගුවන් යානයක් ගුවන්ගත වීමේදී අනතුරට ලක්වී ඇති බව එරට බලධාරීන් තහවුරු කර තිබෙනවා.
උප ජනාධිපති ෆ්රැන්සියා මාර්කේස් මීනා සඳහන් කළේ, අනතුර සිදුවූ අවස්ථාවේදී යානයේ සහ අවට 100 කට අධික පිරිසක් සිටි බවයි.
කොලොම්බියානු අභ්යවකාශ බලකායේ අණදෙන නිලධාරී ජෙනරාල් කාලෝස් සිල්වා පවසන පරිදි, මගීන් – 114 දෙනෙකු කාර්ය මණ්ඩලය – 11 දෙනෙකු සිට ඇති අතර අවම වශයෙන් 48 දෙනෙකු බේරාගෙන තිබෙන බව වාර්තා වනවා, තුවාල ලැබූ කිහිප දෙනෙකු ප්රාදේශීය රෝහල්වලට ඇතුළත් කර තිබෙනවා.
අනතුර සිදු වූ ස්ථානයේ ඡායාරූප සහ වීඩියෝවලින් ඝන කළු දුමාරය, ගිනිදැල් සහ සුන්බුන් පමණක් දැකගත හැකි අතර, සිදුවීමේ තත්ත්වය බරපතළ බව පෙන්වා දෙනවා.
CNN වාර්තා අනුව, ගුවන් යානය කොකායා ගුවන් තොටුපළෙන් පිටත්වී කෙටි දුරක් ගමන් කළ පසු, ගුවන් තොටුපළට සැතපුම් දෙකකටත් අඩු දුරකින් අනතුරට ලක්වී තිබෙනවා.
ආරක්ෂක අමාත්ය පේද්රෝ සැන්චෙස් සඳහන් කළේ, අනතුරට නිශ්චිත හේතුව තවමත් හඳුනාගෙන නොමැති බවයි. ජනාධිපති ගුස්ටාවෝ පෙට්රෝ මෙම සිදුවීම “කිසි විටෙකත් සිදු නොවිය යුතුව තිබූ” බව පවසා, හමුදා නවීකරණයේ ප්රමාදය පිළිබඳ කනගාටුවද පළ කර තිබුණා.
