මධ්යම සහ නැගෙනහිර පැසිෆික් සාගරයේ ජල උෂ්ණත්ව වෙනස්කම් අතරින් ලෝකය මේ වනවිට ලා නිනා බලපෑමට ලක්ව තිබෙනවා. සාමාන්යයෙන් ලෝක උෂ්ණත්වය සිසිල් කරනු ලබන මෙම තත්ත්වය, 2026 මැද භාගය වන විට උදාසීන අවස්ථාවකට පත් වී, එතැන්පසු එල් නිනෝ තත්ත්වයක් දක්වා පරිවර්තනය විය හැකි බව අනාවැකි පෙන්වා දී තිබෙනවා.
මෙය සිදුවුවහොත්, 2027 වන විට ගෝලීය උෂ්ණත්වය නැවතත් ඉහළ යාමක් සිදුවීමේ අවදානමක් ඇති බව විද්යාඥයන් අනතුරු අඟවයි.
“ගෝලීය උෂ්ණත්වයේ නැවත ඉහළ යාමක් අපට දැකගත හැකියි” යැයි දේශගුණ විද්යාඥයන් අවධාරණය කර තිබෙනවා.
දැනටමත් ලෝකය,
* තීව්ර තාප තරංග
* ශක්තිමත් කුණාටු
* ග්ලැසියර වේගයෙන් දියවීම
* මුහුදු අයිස් මට්ටම් අඩුවීම
* මුහුදු මට්ටම ඉහළ යාම
වලට මුහුණ දී තිබෙනවා.
මෙම තත්ත්වයන් මගින් විශාල නගර, කුඩා දූපත් ජාතීන් සහ ලෝක ආහාර සුරක්ෂිතතාව සෘජුවම අනතුරට ලක්වෙමින් පවතිනවා. සමුද්ර පරිසර පද්ධති විනාශ වීම, මිලියන ගණනක් ජනතාවගේ ජීවනෝපාය අසුරමින් තිබෙනවා.
පොසිල ඉන්ධන මත අධික රඳාපවතිම, පෘථිවිය පමණක් නොව, ලෝක ආරක්ෂාවද අස්ථාවර කරමින් පවතිනවා.
* පුනර්ජනනීය බලශක්තියට වේගවත් මාරුව
* විද්යාත්මක පදනම මත තීරණ ගැනීම
* ජාත්යන්තර සහයෝගීතාවය
වැනි විසදුම් පිළිබඳ අවධානය යොමු කිරීම ඉතාමත් වැදගත් කාලයක් ලෙස මෙය වටහාගත යුතුයි.
“දේශගුණික අවුල් සහගත බව වේගයෙන් වර්ධනය වෙමින් පවතී. ප්රමාදය මාරාන්තිකයි.”
අද අප ගන්නා තීරණ, අනාගත පරම්පරාවන්ගේ ජීවිත තීරණය කරනු ඇත.