මැදපෙරදිග කලාපයේ උණුසුම තවත් ඉහළ යමින්, එක්සත් අරාබි එමීර් රාජ්යයේ අගනුවර වන අබුඩාබිහි ගුවන් ආරක්ෂක පද්ධති විසින් සාර්ථකව වළක්වා ගත් බැලස්ටික් මිසයිලයක සුන්බුන් වැටීමෙන් සිවිල් ජනතාවට බරපතල හානි සිදුවීම මෙම සිදුවීමේ සිදුවීමක් වාර්තා වුණා.
ස්වීහාන් වීදිය ආසන්නයේ සිදුවූ මෙම සිදුවීමේදී, සාර්ථකව විනාශ කරන ලද මිසයිලයක සුන්බුන් බිමට වැටීම හේතුවෙන් පුද්ගලයන් දෙදෙනෙකු මරණයට පත්වී ඇති අතර, තවත් තිදෙනෙකු තුවාල ලබා තිබෙන අතර වාහන කිහිපයකටද දැඩි හානි සිදුවී තිබෙනවා.
හදිසි සේවා කණ්ඩායම් වහාම ස්ථානයට පැමිණ තත්ත්වය පාලනය කිරීමට කටයුතු කළ බව වැඩිදුරටත් සඳහන් වනවා.
එක්සත් අරාබි එමීර් රාජ්යයේ ආරක්ෂක අමාත්යාංශය සඳහන් කළේ, ඉරානයෙන් එල්ල වූ බැලස්ටික් මිසයිල සහ මිනිසුන් රහිත ගුවන් යානා (UAV) කිහිපයක් සාර්ථකව විනාශ කර තිබෙන බවයි.
2026 මාර්තු 25 වනදා වන විට UAV 9ක් මැඩපවත්වා ඇති අතර, සමස්තයක් ලෙස මෙතෙක්,
* බැලස්ටික් මිසයිල 357ක්
* කෲස් මිසයිල 15ක්
* UAV 1,815ක්
විනාශ කර ඇති බව වාර්තා වනවා.
මෙම අඛණ්ඩ ප්රහාර මාලාව හමුවේ සමස්ත මරණ සංඛ්යාව 11 දක්වා ඉහළ ගොස් තිබෙනවා.
* UAE හමුදා සාමාජිකයින් 3 දෙනෙකු රාජකාරියේදී දිවි පිදූ අතර
* විදේශීය ජාතිකයින් 6 දෙනෙකු (පකිස්ථානය, නේපාලය, බංග්ලාදේශය, පලස්තීනය) මිය ගොස් තිබෙනවා
* සමස්ත තුවාල ලැබූ සංඛ්යාව 166ක්
මෙය හමුදා සහ සිවිල් දෙපාර්ශවයටම දැඩි බලපෑමක් ඇති කිරීමට සමත් වී තිබෙනවා
බලධාරීන් මහජනතාවගෙන් ඉල්ලා සිටින්නේ,
✔️ නිල මූලාශ්රවලින් පමණක් තොරතුරු ලබාගැනීමට
✔️ කටකතා හා තහවුරු නොකළ වාර්තා පැතිරවීමෙන් වැළකීමට
✔️ ආරක්ෂක උපදෙස් දැඩිව අනුගමනය කිරීමට
විශේෂයෙන්ම පටිගත කිරීම් ඡායාරූප ගැනීම සිදුකිරීමට නොයාම සහ ප්රහාරයක් පිළිබඳ දැනුවත් කිරීමක් ලැබුණු වහාම වීදුරු ජනෙල් අසලින් ඉවත් වී ආරක්ෂිත ස්ථානයකට හැකි විගස යන ලෙස දැනුම් දී තිබෙනවා.
