ඉදිරි දින කිහිපය පුරා ගිගුරුම් සහිත වැසි.
ශ්රී ලංකාව ආසන්නයේ වර්ධනය වී ඇති පහළ මට්ටමේ වායුගෝලීය කැළඹිලි ස්වභාවය හේතුවෙන්, දිවයින පුරා පවතින වැසි තත්ත්වය ඉදිරි දින කිහිපය තුළ තවදුරටත් පවතිනු ඇති බව කාලගුණ විද්යා දෙපාර්තමේන්තුව නිවේදනය කර තිබෙනවා.
විශේෂයෙන් පස්වරු සහ රාත්රී කාලයේදී දිවයිනේ බොහෝප්රදේශවලට වැසි සහ ගිගුරුම් සහිත වැසි ඇතිවීමේ වැඩි ඉඩක් පවතින බවද එම දෙපාර්තමේන්තුව සඳහන් කරනවා.
පස්වරු 1න් පසු වැසි තත්ත්වයේ වර්ධනයක්
කාලගුණ විද්යා දෙපාර්තමේන්තුවට අනුව, දිවයිනේ බොහෝ ප්රදේශවල පස්වරු 1.00 න් පසු වැසි හෝ ගිගුරුම් සහිත වැසි ඇති විය හැකියි.
එමෙන්ම, බස්නාහිර, වයඹ, උතුරු පළාත්, ත්රිකුණාමලය, ගාල්ල, මාතර යන ප්රදේශවල උදෑසන කාලයේදී ද වැසි ඇතිවිය හැකි බව සඳහන්.
මිලිමීටර් 75 ඉක්මවූ තද වැසි
විශේෂයෙන් පහත පළාත්වල ඇතැම් ස්ථානවලට මිලිමීටර් 75 ට වැඩි තරමක් තද වැසි ඇති විය හැකි බවට අනතුරු අඟවා තිබෙනවා. සබරගමුව, මධ්යම, ඌව, දකුණ, උතුරු මැද.
මෙවැනි තද වැසි හේතුවෙන් පහත්බිම් ප්රදේශවල ජල ගැලීම්, කුඩා නායයෑම් සහ මාර්ග අවහිරතා ඇතිවිය හැකි බැවින් සැලකිලිමත්ව සිටිය යුතුයි.
අලුයම මීදුම් තත්ත්වය
මධ්යම, සබරගමුව සහ ඌව පළාත්වල ඇතැම් ප්රදේශවල අලුයම සහ උදෑසන කාලයේදී මීදුම් සහිත තත්ත්වයක් අපේක්ෂා කළ හැකි බව කාලගුණ විද්යා දෙපාර්තමේන්තුව ප්රකාශ කර තිබෙනවා. දෘශ්යතාව අඩුවීම හේතුවෙන් රියදුරන් ප්රවේශමෙන් රිය පැදවිය යුතු බවටද උපදෙස් ලබා දී තිබෙනවා.
අකුණු සහ තද සුළං පිළිබඳ අවවාදය
ගිගුරුම් සහිත වැසි ඇතිවන අවස්ථාවලදී, අකුණු, තද සුළං, අධික වර්ෂාපතනය හේතුවෙන් සිදුවිය හැකි අනතුරු අවම කර ගැනීමට ප්රමාණවත් ආරක්ෂිත පියවර ගන්නා ලෙස මහජනතාවගෙන් ඉල්ලීමක් කර තිබෙනවා.
ජනතාවට උපදෙස්
අකුණු සමයේ විවෘත ස්ථානවල රැඳී නොසිටින්න
ගස් සහ විදුලි කණු අසලින් ඉවත්වන්න
විදුලි උපකරණ භාවිතය සීමා කරන්න
ගංවතුර අවදානම් ප්රදේශවලින් ඉවත්වන්න
කාලගුණ නිවේදන පිළිබඳ නිරන්තර අවධානයෙන් සිටින්න
