සිය ගැටලුවලට විසඳුම් නොලැබෙන්නේ නම් ආරම්භ කර ඇති වෘත්තීය ක්රියාමාර්ගය තවදුරටත් තීව්ර කරන බව විදුලි වෘත්තීය සංගම් පවසනවා.
අත්තනෝමතික ලෙස විදුලිබල මණ්ඩලය ප්රතිව්යුහගත කිරීමට විරෝධය පළ කරමින් පසුගිය 04 වන දින සිටයි විදුලි වෘත්තීය සමිති අකුරට වැඩකිරීමේ වෘත්තීය සමිති ක්රියාමාර්ගයක් ආරම්භ කළේ.
එම වෘත්තීය සමිති ක්රියාමාර්ගයේ තවත් අදියරක් ලෙස ලෙඩ නිවාඩු වාර්තා කිරීමේ වෘත්තීය සමිති ක්රිමායාර්ගය ඊයේ (17) දිනයෙන් ආරම්භ කරනු ලැබුවා.
ඒ අනුව එම වෘත්තීය ක්රියාමාර්ගය දෙවන දිනටත් අද ක්රියාත්මක කෙරෙන බවයි විදුලි වෘත්තීය සංගම් සඳහන් කළේ.
කෙසේවෙතත් ලංකා විදුලිබල මණ්ඩලයේ කාර්මික ශිල්පීන්ගේ සංගමයේ සභාපති කෝසල අබේසිංහ මහතා ප්රකාශ කළේ සිය ඉල්ලීම සම්බන්ධයෙන් බලධාරීන් විසින් තවදුරටත් නොසලකා හරින්නේ නම් ආරම්භ කර ඇති වෘත්තීය සමිති ක්රියාමාර්ගය තවදුරටත් තීව්ර කරන බවයි.