ශ්‍රී ලංකාවේ පළමු වතාවට, තික්ෂණ කුසල් නමැති දේශීය සයිබර් ආරක්ෂක පර්යේෂකයෙකු, National Aeronautics and Space Administration (NASA) ආයතනයේ Vulnerability Disclosure Program (VDP) යටතේ නිල වශයෙන් පිළිගැනීමක් ලබා ඇත.

ඔහු සොයාගත් සහ නිසි ආකාරයෙන් report කළ (responsible disclosure) නව ආරක්ෂක දෝෂයක් NASAට ඔවුන්ගේ විශේෂයෙන් වැදගත් තොරතුරු හා පද්ධති ආරක්ෂාව, අඛණ්ඩභාවය සහ විශ්වාසනීයභාවය වැඩිදියුණු කිරීමට උපකාරී වී ඇත.

NASA වෙතින්, Senior Agency Information Security Officer Mike Witt අත්සන් කළ නිල ලිපියක් මඟින් ඔහුගේ දායකත්වය පිළිගනිමින්, ethical hacking සහ vulnerability research ක්ෂේත්‍රයේ ඔහුගේ දක්ෂතාවයට ශ්‍රද්ධාන්විත සම්මානයක් පිරිනමන ලදී.

මෙය ශ්‍රී ලංකාව සඳහා ඉතිහාසගත මොහොතක් වන අතර, දේශීය පර්යේෂකයන්ගේ දක්ෂතාවය සහ හැකියාව ලෝක වේදිකාවට ඉදිරිපත් කරන සංකේතයක් වේ. එසේම, ethical hacking හා cybersecurity හි වැදගත්කම උදාහරණ ලෙස ගෙන, ශ්‍රී ලාංකික යෞවනයින්ටත් ලොව උසස්ම තාක්ෂණ හා විද්‍යා ක්ෂේත්‍රවල දායක විය හැකි බව තහවුරු කරයි.