දිවයිනේ නිරිතදිග ප්රදේශවල දැනට පවතින වැසි තත්ත්වය ඉදිරි පැය 24 තුළත් බලාපොරොත්තු විය හැකි බව කාලගුණ විද්යා දෙපාර්තමේන්තුව අද (26) අලුයම නිකුත් කළ කාලගුණ අනාවැකියේ දැක්වෙනවා.
ඒ අනුව බස්නාහිර, සබරගමුව, සහ දකුණ පළාත්වලත් මහනුවර සහ නුවරඑළිය දිස්ත්රික්කවලත් විටින්විට වැසි ඇති විය හැකියි.
බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් ඇතැම් ස්ථානවල මි.මී. 100ට වැඩි තද වැසි ඇති විය හැකි බවයි ඔවුන් සඳහන් කරන්නේ.
එමෙන්ම උතුරු-මැද පළාතේත්, මාතලේ, මන්නාරම සහ යාපනය දිස්ත්රික්කවලත් සිහින් වැසි වාර ඇති විය හැකියි.
මධ්යම කඳුකරයේ බටහිර බෑවුම් ප්රදේශවලත් මධ්යම, උතුර, උතුරු-මැද සහ වයඹ පළාත්වලත්, ත්රිකුණාමලය සහ හම්බන්තොට දිස්ත්රික්කවලත් විටින් විට පැ.කි.මී. (40-50)ක පමණ තද සුළං ඇතිවිය හැකි බව එම දෙපාර්තමේන්තුව ප්රකාශ කරනවා.