ශ්රී ලංකාවේ අවුරුදු 15 ත් 29ත් යන වයස් කාණ්ඩ අතර HIV ආසාදිතයන් වැඩිවීමේ ප්රවණතාවක් ඇති බව සෞඛ්ය අංශ අනතුරු අඟවා තිබෙනවා.
වැඩිම ආසාදිතයන් ප්රමාණයක් වාර්තා වී ඇත්තේ කොළඹ සහ ගම්පහ දිස්ත්රික්කවලින්.
HIV යනු ලෝකය තුළ ඇති දැඩි ව්යසනයක් ඇති කරන දරුණුතම ලිංගාශ්රිත වෛරස අතුරින් ප්රධාන වෛරසයක්.
ශරීරයේ ප්රතිශක්තිකරණ පද්ධතියට ඍජුවම ප්රහාර එල්ල කර ශරීරය දුර්වල කිරීම මෙමඟින් සිදුවන අතර කැස්සක්, හෙම්බිරිස්සාවක් වැනි කුඩා හෝ රෝගයක් වැළඳීමෙන් මරණය පවා සිදුවීම මෙහි ඇති භයානකම තත්ත්වයයි.
HIV ආසාදිතයින් නිර්මාණය විය හැකි ප්රධාන ආකාර ත්රිත්වයක් සෞඛ්ය අංශ පෙන්වා දෙනු ලබනවා.
- HIV රෝගියෙක් සමඟ ලිංගික සබඳතා පැවැත්වීම
HIV රෝගියෙක් සිප වැළඳගැනීමෙන් මෙම රෝගය බෝවන්නේ නැහැ.
එය බෝවන්නේ ලිංගික තරල හරහායි.
ගුද මාර්ගික සංසර්ගය HIV ඇතිවීමට ප්රධානම හේතුවක් වනවා.
මෙවැනි අනාරක්ෂිත ලිංගික සම්බන්ධතා නිසා ශරීරගත විය හැකි HIV වෛරසය මුළු ශරීරය පුරා පැතිරීමට ගතවෙන්නේ පැය 72ක පමණ කෙටි කාලයක්.
- අවිධිමත් ලෙස එන්නත් කටු භාවිතය
විවිධ මත්ද්රව්ය එන්නත් කරගැනීමට එකම එන්නත් කටු භාවිත කිරීම මේ තත්තවයට හේතුවයි.
- ආසාදිත ගර්භණී මවගෙන් දරුවාට HIV ආසාදනය වීම
HIV ආසාදිත සහ ඒ සඳහා ඖෂධ ලබානොගන්නා මවකගේ මව්කිරි හරහා දරුවාට රෝගය බෝවිය හැකි බවට සෞඛ්ය අංශ අනාවරණ කරගෙන තිබෙනවා.
