දූෂණ චෝදනාවක් සම්බන්ධයෙන් කොළඹ ත්රිපුද්ගල මහාධිකරණ විනිසුරු මඩුල්ල හමුවේ වරදකරු වී සිරදඬුවම් නියම වී සිටින මහින්දානන්ද අලුත්ගමගේ සහ නලින් ප්රනාන්දු යන හිටපු අමාත්යවරු දෙදෙනා විසින් එම දඬුවමට එරෙහිව ඉදිරිපත් කර තිබෙන අභියාචනා ජනවාරි මස 20 වනදා කැඳවන ලෙස ශ්රේෂ්ඨාධිකරණය නියම කර තිබෙනවා.
මෙම අභියාචනා අද (28) කැඳවනු ලැබුවේ අගවිනිසුරු ප්රීති පද්මන් සූරසේන මහතා ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ලක් ඉදිරියේයි.
අදාළ අභියාචනා ජනවාරි මස 20 වනදා කැඳවන ලෙසටයි එහිදී විනිසුරු මඩුල්ල නියම කළේ.
මෙම අභියාචනා කැඳවූ අවස්ථාවේ දී සිරගතව සිටින මහින්දානන්ද අලුත්ගමගේ සහ නලින් ප්රනාන්දු යන හිටපු අමාත්යවරුන් දෙදෙනාව බන්ධනාගාර නිලධාරීන් විසින් අධිකරණයට ඉදිරිපත් කර තිබුණා.