අයහපත් කාලගුණය නිසා ඇති වූ විපත්තිකාරි තත්ත්වය තුළ ශ්රී ලංකාවේ ක්රියාත්මක සහන සේවා සහ නැවත ගොඩනැගීමේ ක්රියාවලියට එක්සත් ජාතීන්ගේ සහාය ලබා දෙන බවට ශ්රී ලංකාවේ නේවාසික එක්සත් ජාතීන්ගේ නියෝජිත මාර්ක් ඇන්ඩෘෘ මහතා පොරොන්දු වී තිබෙනවා.
විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා සහ මාර්ක් ඇන්ඩෘෘ මහතා අතර හමුවක් අද (08) අමාත්යංශයේ සිදුවූ අවස්ථාවේ දී ඔහු මේ බව පවසා සිටියා.
එමෙන්ම මෙම ආපදාවෙන් විපතට පත් සියලු ජනතාව සඳහා වහාම එක්සත් ජාතින්ගේ සංවිධානය ක්ෂණික ආධාර අරමුදල යටතේ අමෙරිකානු ඩොලර් මිලියන 4.5ක මුදලක් ලබා දීමට තීරණය කර ඇති බව ප්රකාශ කළ අතර එම මුදල සංකේතාත්මකව අමාත්ය විජිත හේරත් මහතාට පිරිනැමීම ද සිදුකර තිබුණා.
